ABŞ Konqresində Respublikaçılar Partiyasının bir sıra nümayəndələri hesab edirlər ki, Nümayəndələr Palatasının yeni sədri Mayk Conson Kevin Makkarti dövründə dalana dirənmiş dövlət başçısı Co Baydenə impiçment prosesini davam etdirəcək...
Poliqon xəbər verir ki, bu barədə Politico nəşri məlumat yayıb.
“İnanıram ki, Mayk Conson Baydeni impiçment etmək üçün addımlar atmaqdan çox məmnun olacaq və o, bu addımları atacaq. Yeganə sual odur ki, bu nə vaxt olacaq”,, deyə nəşr Tennessi ştatından konqresmen Endi Oqlesdən sitat gətirir.
Konqresmen Marjori Teylor-Qrin də oxşar fikri bildirib. O, Mayk Consonun Co Baydenin impiçmentini dəstəkləyəcəyinə ümid etdiyini bildirib.
Politico qeyd edir ki, əvvəlki spiker Kevin Makkartidən fərqli olaraq, Mayk Consonun keçmiş prezident Donald Trampın vəzifəsindən kənarlaşdırılmasını nəzərdə tutan komitələrdə işləmək təcrübəsi var.
Bundan əlavə, Mayk Conson əvvəllər hazırkı dövlət başçısına impiçment elan edilməsinin tərəfdarı olduğunu bildirib.
Mayk Consonun sözçüsü Korinn Day Politico-ya bildirib ki, yeni spiker “faktları izləməyə davam edəcək” və bu impiçment məsələsində Nümayəndələr Palatasının Ədliyyə Komitəsinə tam etibar edir.
Poliqon.info
Digərxəbərlər
Populyar xəbərlər
