Türkiyə "Rosatom" tərəfindən inşa edilən Akkuyu Atom Elektrik Stansiyasının (AES) ilk blokunun 29 oktyabr 2024-cü ildə elektrik enerjisi istehsal etməyə başlayacağını gözləyir...
Poliqon xəbər verir ki, bunu Türkiyənin enerji və təbii sərvətlər naziri Alparslan Bayraktar NTV telekanalına müsahibəsində deyib.
"Bizim bir tarix hədəfimiz var. Türkiyə Cümhuriyyətinin 101-ci ildönümünə, 29 oktyabr 2024-cü ilə qədər AES-in açılışını istəyirik. 30 min mütəxəssis bu hədəfi yaxınlaşdırmaq üçün çalışır. Son dərəcə vacib məqamdır, biz artıq 70 yaşı olan arzunu gerçəkləşdirəcəyik və bununla da ölkə nüvə enerjisi istehsal edəcəyik", deyə nazir bildirib.
Onun sözlərinə görə, hakimiyyət Akkuyunun dörd blokunun hamısını işə salmağı, o cümlədən Sinop və ölkənin qərbində AES-in tikintisini, əlavə olaraq kiçik modul reaktorların işə salınmasını planlaşdırır.
Türkiyə lideri Rəcəb Tayyib Ərdoğan Moskvada Vladimir Putinlə danışıqlardan sonra onunla Türkiyənin Sinop şəhərində yeni atom elektrik stansiyasının tikintisini müzakirə etdiyini bildirib. Stansiya ölkədə Akkuyu AES-dən sonra ikinci atom elektrik stansiyası olmalıdır. "Rosatom" rəhbəri Aleksey Lixaçev daha əvvəl bildirib ki, Rusiya tərəfi Ankara ilə Türkiyədə ikinci Sinop AES layihəsinin praktiki məsələlərini müzakirə etməyə davam edir.
Türkiyənin ilk atom elektrik stansiyası olan Akkuyunun tikintisi Rusiya-Türkiyə birgə ən böyük layihəsinə çevrilib. 1200 MVt gücündə Rusiyanın qabaqcıl VVER-1200 reaktorları ilə dörd enerji blokunun hamısının istismara verilməsindən sonra hər stansiyanın ildə təxminən 35 milyard kilovat-saat istehsal edəcəyi və Türkiyənin elektrik enerjisinə olan tələbatının 10%-ə qədərini ödəyəcəyi planlaşdırılır. İlk enerji blokunun işə salınması 2024-cü ilə planlaşdırılır.
Poliqon.info