Varşava Avropa İttifaqının miqrantların bölüşdürülməsi planlarına cavab olaraq xüsusi miqrasiya qətnaməsi qəbul edəcək...
Polşanın Baş naziri Mateuş Moravetski yeni seçki videoçarxında bildirib ki, ölkə hakimiyyəti Avropa İttifaqının miqrantların bölüşdürülməsi planlarına cavab olaraq xüsusi miqrasiya qətnaməsi qəbul etməyi planlaşdırır.
Poliqon xəbər verir ki, Baş nazir bu qətnamədə Polşa hakimiyyətinin qeyri-qanuni miqrasiyadan imtina etdiyini göstərəcəyini bildirib.
“Biz bunu etməliyik, çünki Avropa Komissiyasının rəhbəri Lampeduzaya səfərindən sonra Avropa üçün daha bir fəlakətli plan elan etdi”, deyə Baş nazir qeyd edib.
Qeyd edək ki, sentyabrın 16-da İtaliyanın baş naziri Corciya Meloni Avropa İttifaqından ölkəyə miqrant axınının azaldılmasına kömək etməyi xahiş edib. O, Avropa Komissiyasının sədri Ursula fon der Leyeni Şimali Afrikadan minlərlə miqrantın qayıqla gəlməsi ilə əlaqədar baş verən fövqəladə vəziyyəti görmək üçün İtaliyanın Lampeduza adasına şəxsən baş çəkməyə dəvət edib.
Sentyabrın 14-də qeyri-qanuni miqrantların sayının yerli sakinlərin sayından çox olduğu İtaliyanın Lampeduza adasının hakimiyyət orqanları miqrantlarla polis arasında iğtişaşlar baş verdiyini açıqlayıb.
Poliqon.info