Terrorçu partlayıcı qurğu olan motosikletdən istifadə edib. İntihar nəticəsində 9 əsgər həlak olub...
Poliqon Reuters Agentliyinə istinadən xəbər verir ki, yaraqlı hərbi konvoyun yanından ötərkən partlayıcı qurğunu işə salıb. Cihaz motosikletə bərkidilib.
Daha 5 Pakistan əsgəri daha sonra Bannu bölgəsində baş verən növbəti hücumda yaralanıb.
Hərbçilər ərazinin təhlükəsizlik qüvvələri tərəfindən mühasirəyə alındığını bildiriblər. Hələlik heç bir terror qruplaşması hücumlara görə məsuliyyəti üzərinə götürməyib.
Reuters qeyd edir ki, Pakistanın şimal-qərbində, Əfqanıstanla sərhədə yaxın ərazilərdə son bir ildə silahlıların hücumlarının sayı artmaqdadır. Keçən ay kamikadze seçki mitinqində partlayıcı qurğu işə salmış, nəticədə 60-dan çox adam həlak olmuşdu.
Polioqn.info