Erməni politoloq: Roma Statutu ya Rusiya, ya da Qərblə problem yaradacaq...

Ermənistanın Roma Statutunu ratifikasiyası ya Rusiya, ya da Qərblə problemlərə gətirib çıxaracaq.

Poliqon xəbər verir ki, bunu "Sputnik Ermənistan"a Ermənistan Demokratik Alternativ Partiyasının sədri, politoloq Suren Surenyan deyib.

Politoloqun fikrincə, beynəlxalq hüquq böhran içindədir, o, “sadəcə mövcud deyil”. Hər şeyi maraqlar və güc balansı həll edir. Lakin Rusiya-Ermənistan münasibətlərində çox həssas məsələ olanda Ermənistan ratifikasiya prosesini nəzərdən keçirməkdə davam edir. Onun sözlərinə görə, ratifikasiyadan hətta bu bir şərtə görə də imtina edilməlidir.

"Maraqlarınız olan geosiyasi mərkəzlərlə hesablaşmaq lazımdır. Təbii ki, məsələni dövriyyədən çıxarmaq lazımdır", deyə Surenyan bildirib.

Onun sözlərinə görə, Rusiya ratifikasiyanın qeyri-dost hərəkət kimi qiymətləndiriləcəyini birbaşa deyir:

“Qaqik Melkonyanın (Putinin həbs oluna biləcəyini istisna etməyən deputat-red.) avantürizminə görə Ermənistanın lideri burada Putindən daha tez həbs olunacaq”.

Onun sözlərinə görə, Rusiya prezidenti Ermənistana gəlib həbs olunmasa, bu, Ermənistanın Qərb dövlətləri ilə problemlərinə səbəb olacaq:

"Sual yaranır - niyə bu şərtlər daxilində icrası ya Rusiya ilə, ya da Qərblə problem yaradacaq sənədi ratifikasiya edirsiniz?".

Xatırladaq ki, Ermənistan 1999-cu il oktyabrın 1-də Beynəlxalq Cinayət Məhkəməsinin Roma Statutunu imzalasa da, ratifikasiya etməyib. Proses 2004-cü il avqustun 13-də sənədin Ermənistan Konstitusiyasına zidd olduğu aşkar edildikdən sonra dayandırılıb. O vaxtdan bəri Konstitusiyanın iki dəfə dəyişdiyini nəzərə alaraq, Nikol Paşinyan hökuməti beynəlxalq müqavilənin ratifikasiyası prosesini bərpa etmək və bu məqsədlə bir daha Konstitusiya Məhkəməsinə müraciət etmək qərarına gəlib.

2023-cü il martın 24-də Ermənistan Konstitusiya Məhkəməsi Beynəlxalq Cinayət Məhkəməsinin Roma Statutuna qoşulmanın ölkənin mövcud Konstitusiyasına uyğun olması barədə qərar qəbul edib.

İyun ayında Ermənistan hökumətinin Beynəlxalq Cinayət Məhkəməsinin Roma Əsasnaməsini ratifikasiya üçün parlamentə göndərəcəyi ilə bağlı məlumatlar yayılmışdı.

Poliqon.info