"Bu ilin may ayında SOCAR "Azəriqaz" İstehsalat Birliyinin məişət tipli qaz sayğaclarına olan tələbatının yerli istehsal hesabına tam ödənilməsi məqsədi ilə "Gəncə Cihazqayırma Zavodu" ASC ilə müqavilə bağlanıb".
Bunu SOCAR "Azəriqaz" İB-nin Sayğacların tətbiqi, idarə olunması və nəzarəti şöbəsinin rəisi Rövşən Məhyəddinov bu gün keçirilən "Açıq qapı" aksiyasında çıxışı zamanı bildirib. O deyib ki, “Azəriqaz” İB ilə “Gəncə Cihazqayırma Zavodu” ASC arasında bu əməkdaşlıq sayğaclara olan tələbatın ödənilməsi üçün SOCAR-ın idxaldan asılılığını azaldacaq: "Əməkdaşlıq çərçivəsində qaz sayğaclarının alqı-satqısı yerli istehsalla həyata keçiriləcək, yerli sahibkarlığın inkişafına dəstək veriləcək, xarici valyutanın ölkədən kənara çıxmasının qarşısı alınacaq, həmçinin qaz sayğaclarının təmiri və servis xidməti ilə bağlı məsələlərin asanlaşdırılması və ucuzlaşdırılması təmin ediləcək".
Birliyin İctimaiyyətlə əlaqələr şöbəsinin rəisi Eldəniz Vəliyev isə media nümayəndəsinin məktəblərin qazlaşdırılması ilə bağlı ünvanladığı sualını cavablandırıb. Şöbə rəisi bağça və məktəblərin qazlaşdırılmasının digər müəssisə, fərdi yaşayış evləri və mənzillərdən təhlükəsizlik baxımından daha həssas olduğunu qeyd edib: "Biz bağça və orta məktəblərə birbaşa olaraq mavi yanacağın verilişini təmin edə bilmirik. SOCAR "Azəriqaz" İB bağça və məktəblərin yalnız qazanxanalarına təbii qazla təmin olunmasını icra edir. Bunun üçün müvafiq sənədlə Elm və Təhsil Nazirliyinə müraciət edilir və nazirlik müvafiq sənədləri Birliyə təqdim edir. Bütün sənədlər uyğun olduqdan sonra SOCAR "Azəriqaz" İB qısa müddət ərzində qazlaşdırılma işini həyata keçirir".
Poliqon.info
Digərxəbərlər
Populyar xəbərlər
