Müharibədə Ukraynaya dəymiş ziyan...

Ukrayna prezidenti Vladimir Zelenski Rusiya ilə müharibə ilə bağlı ölkəsinə dəyən ziyanın 400 milyard dollar olduğunu bildirib.

Poliqon xəbər verir ki, Ukrayna prezidenti bunu Niderlandda mətbuat konfransında çıxışı zamanı deyib. Onun sözlərinə görə, bu rəqəm Dünya Bankının qiymətləndirməsinə əsaslanır və yalnız Ukraynanın nəzarətində olan ərazilərə dəymiş ziyanı nəzərə alır.

Zelenski aydınlaşdırıb ki, zərərin qiymətləndirilməsi, xüsusilə enerji və nəqliyyat infrastrukturunun, binaların dağıdılması, ətraf mühitə, səhiyyə və mədəniyyət obyektlərinə dəyən ziyanı əhatə edir.

Aprel ayında Dünya Bankı və BMT-nin hesablamalarına görə, hərbi əməliyyatlar zamanı Ukraynanın enerji, qaz və istilik infrastrukturuna dəyən ümumi zərər 10 milyard dolları ötüb.

2022-ci il oktyabrın 21-də Avropa Şurası Avropa Komissiyasına (AK) Ukraynanın yenidən qurulması və bərpası üçün sanksiyaya məruz qalan aktivlərin ötürülməsi mexanizmini hazırlamağı tapşırıb. Aprel ayında AK hərbi əməliyyatla əlaqədar Ukraynaya təzminat ödənilməsi üçün Rusiyanın aktivlərinin müsadirəsinə icazə verib. ABŞ Ukraynanın bərpası üçün Rusiya Mərkəzi Bankından vəsaitlərin köçürülməsi imkanlarını araşdırır. Rusiya Bankı daha əvvəl Qərbdə bloklanan Rusiya ehtiyatlarının ümumi həcmini 300 milyard dollar qiymətləndirmişdi.

Poliqon.info