Si Tsinpinin Ukrayna üzrə təyin etdiyi vasitəçi Putindən orden alıb...
Ukrayna prezidenti Vladimir Zelenski ilə telefon damışığı zamanı Çin lideri bildirib ki, danışıqlar müharibənin yeganə həll yoludur.
Poliqon Bloomberg Agentliyinə istinadən xəbər verir ki, Çinin dövlət başçısı Si Tsinpin Ukraynadakı böhranın siyasi həlli ilə bağlı bütün tərəflərlə əlaqə saxlamaq üçün Ukraynaya və digər dövlətlərə xüsusi nümayəndələrini göndərməyə razılaşıb. Belə bir razılaşma Çin liderinin Ukrayna prezidenti ilə telefon danışığı zamanı əldə olunub.
Qeyd olunur ki, telefon danışığı zamanı Çin rəhbəri Ukrayna liderinə danışıqların müharibənin yeganə həll yolu olduğunu deyib.
Son məlumatlara görə Ukrayna böhranının həlli üzrə Çin xüsusi nümayəndə heyətinə Çinin Rusiyadakı keçmiş səfiri Li Huey başçılıq edəcək. Bloomberg qeyd edir ki, xüsusi nümayəndə heyətinin rəhbəri Li Huey hətta Putin tərəfindən medalla təltif edilib.
Qeyd edək ki, Çin tərəfindən fevral ayında irəlü sürülən 12 bənddə n ibarət sülh planında Çin Rusiyanın mövqeyini nəzərə alaraq hərbi əməliyyatların dərhal dayandırılmasına təkid edir. Eyni zamanda sənəddə deyilir ki, Qərb Rusiya qarşı tətbiq etdiyi bütün sanksiyaları götürməlidir.
Öz növbəsində Qərb ölkələri və Ukrayna Çinin müharibəni dondurmaq və Rusiyanın Qərb texnologiyalarını sərbəst şəkildə almaq imkanını aça biləcək “sülh planına” mənfi yanaşıblar.
Poliqon.info