Şahzadə Uilyamın qəzetlə gizli anlaşmasının təfərrüatları qardaşı şahzadə Harrinin vəkili Devid Şerbornun məhkəməyə təqdim etdiyi sənədlər arasında olub...
Poliqon xəbər verir ki, İngiltərə kralı III Çarlzın oğlu, şahzadə Harrinin The Sun News Group Newspapers (NGN) nəşrinə qarşı qarşı “şəxsi həyatın məxfiliyini pozmaq” iddiası ilə qaldırdığı ittiham davam edərkən, məhkəmə iclasında taxtın varisi olan şahzadə Uilyamın qəzetlə sövdələşmə getdiyinə dair sənədlər üzə çıxıb. Onun qarşı tərəfdən yüksək məbləğdə ödəniş aldığı iddia edilib.
“CNN Türk” telekanalının məlumatına görə, Ali Məhkəmədəki araşdırılan işdə şahzadə Uilyamın Rupert Murdoka məxsus News Group Newspapers (NGN) qəzetindən pul alaraq, “şəxsi həyatın məxfiliyini pozmaq” şikayətindən imtina etdiyi iddia olunub.
Şahzadə Uilyam ilə NGN arasında müqavilənin 2020-ci ildə baş tutduğu, onu ötən il dünyasını dəyişən Kraliça II Elizabetin imzaladığı bildirilir. Prosesin Elizabetin razılığı ilə həyata keçirildiyi irəli iddia olunub.
2020-ci ildə krallıq vəzifələrindən imtina edərək ABŞ-da məskunlaşan şahzadə Harri İngiltərədəki digər media qurumlarına qarşı “şəxsi həyatın məxfiliyini pozmaq” ittihamı ilə iddia qaldırıb. Şahzadə Harri hazırda NGN də daxil olmaqla üç media qrupuna qarşı üç ayrı hüquqi mübarizə aparır. Belə ki, NGN-lə yanaşı, “Associated Newspapers Limited” və “Sunday Mirror”un naşiri “Reach PLC”yə qarşı da məhkəmə iddiaları davam edir.
Qeyd edilir ki, şahzadə Harri NGN-ə qarşı məhkəmə prosesində qalib gələrsə, 200 min funt-sterlinqdən çox təzminat tələb edəcək.
Poliqon.info