Qüdsdə İranla bağlı nə planlayırlar? - Şahənşahın oğlu İsrailə səfər edəcək ...

Poliqon xəbər verir ki, bu barədə Reuters Agentliyinin məlumatında bildirilir..

Xəbərdə qeyd olunur ki, İsrail hökuməti Rza Pəhləvi indiyə qədər İsrailə açıq səfər edəcək “ən yüksək səviyyəli İran şəxsiyyəti” adlandırıb.

Xatırladaq ki, İsrail və İran ABŞ-ın dəstəklədiyi Şah rejimi zamanı daha isti əlaqələrə malik idilər. İnqilabdan sonra isə iki dövlət düşmənə çevrilib.

İsrail öz bəyanatında Rza Pəhləvinin səfərinin “İsraillə İran xalqı arasında körpü yaratmaq və ayətullah rejiminə birgə müxalif mövqe ifadə etmək” məqsədi daşıdığını bildirib.

Həmçinin İsrail hökumətinin bəyanatında bildirilir ki, Pəhləvi İranın yəhudi və ərəb qonşularıyla əlaqələrini yeniləməyə çalışacaq. İran şahının oğlu isə qeyd edib ki, İranın demokratikləşməsi heç də uzaqda deyil.

“Məncə, o gün həmişəkindən daha yaxındır”, deyə Rza Pəhləvi vurğulayıb.

Qeyd edək ki, səfər zamanı Pəhləvi İsrailin rəsmi Holokost anım mərasimində iştirak edəcək.

Xatırladaq ki, İranda şahlıq zamanı da digər xalqlar bir çox hüquqlarından məhrum edilmişdilər

Poliqon.info