Hafiz Hacıyev: "..Allah xeyir eləsin, görünür, nəsə var…"

Aidiyyatı qurumların keçidin sökülməsinə “qanunsuz tikili” kimi əsas gətirmələri də birmənalı qarşılanmayıb. Bildirilir ki, keçid doğrudan da qanunsuz idisə, niyə dövlət büdcəsi bu qədər israf edilir?

Məsələ ilə bağlı Pravda.az-a fikirlərini bölüşən Müasir Müsavat Partiyasının sədri Hafiz Hacıyev isə deyib ki, burada elə bir problem görmür.

O bildirib ki, şəhərin bir çox yerində bu cür yenidənqurma işləri gedir: “Yenidən sökürlər, düzəldirlər. Görünür, nəsə problem var, belə məsləhət olub. Hər halda şəhərin yeni planı hazırdır. Bu barədə müzakirələr gedir ki, şəhər daha da gözəlləşsin, sıxlıq məsələsi həllini tapsın. Müəyyən fikirlər ola bilər. Hər halda qurumlar çalışırlar ki, Bakıdakı tıxacın, sıxlığın qarşısını alsınlar, insanların rahat gediş-gəlişləri təmin edilsin. Düşünmürəm ki, sözügedən piyada keçidinin sökülməsi qərəzli mövqedən olsun. Elə bir dövrdür, gərək, hamımız düşünək ki, bu çətin mərhələdən hansı formada keçirik? Həm insanları narazı salmaq olmaz, həm də dövlətin milli maraqlarını müdafiə etməliyik. Nə deyim, vallah. Şəhərsalma və Arxitektura Komitəsi ilə Azərbaycan Avtomobil Yolları Dövlət Agentliyi bu məsələdə birgə fikrə gəliblərsə, Allah xeyir eləsin, görünür, nəsə var… Nə deyə bilərik”.

Poliqon.info