Senator Lindsi Qrem ABŞ pilotsuz təyyarələrini təhdid edən Rusiya təyyarələrini vurmağa çağırıb…
Amerikaya məxsus “MQ-9” pilotsuz təyyarəsinin vurulmasından sonra Vaşinqtonda bir sıra yüksək vəzifəli məmurlar Rusiya Su-27 qırıcılarının hərəkətlərini qınasalar da, təmkinli olmağa çağırıblar. Lakin bəziləri Rusiyanın bu cür hərəkətlərini cavabsız qoymamağı təklif edirlər.
Poliqon.info xəbər verir ki, Cənubi Karolina ştatından Respublikaçı senatoru Lindsi Qrem Fox News telekanalına müsahibəsində ABŞ-a məxsus pilotsuz təyyarənin vurulmasına adekvat cavab verilməsini istəyib. Qrem qeyd edib ki, “MQ-9” pilotsuz təyyarəsinin Ukraynanın maraqları naminə kəşfiyyat aparması heç nəyi dəyişmir, çünki ABŞ PUA-sı beynəlxalq hava məkanında olub.
“Ruslar bilməlidirlər ki, beynəlxalq məkanda uçan hər hansı ABŞ obyektinə təhdid oluşdursalar, bu zaman onların hava obyekyi vurulacaq”, deyə senator bildirib.
Poliqon.info