Fransa Rusiyanı beş nüvə dövlətinin bəyannaməsinə əməl etməyə çağırıb

Poliqon.info Fransa Rusiyanı beş nüvə dövlətinin dövlət və hökumət başçılarının nüvə müharibəsinin və silahlanma yarışının qarşısının alınması ilə bağlı 3 yanvar 2022-ci il tarixli bəyannaməsinə əməl etməyə çağırıb.

Fransa XİN-dən əlavə ediblər ki, Paris bu razılaşmaya sadiq qalır.

Xatırladaq ki, nüvə müharibəsinin qarşısının alınması və silahlanma yarışının qarşısının alınması haqqında bəyannamə Rusiyanın təşəbbüsü ilə hazırlanıb və 2022-ci il yanvarın 3-də imzalanıb.

Çərşənbə axşamı Rusiya prezidenti Vladimir Putin Federal Məclisə müraciəti zamanı Moskvanın “Strateji Hücum Silahlarına Nəzarət Müqaviləsi”ndə iştirakını dayandırdığını bəyan edib. O, həmçinin nüvə silahlarının sınaqdan keçirilməsinə hazırlığın təmin edilməsi barədə göstəriş verib.

Poliqon.info