Ermənistanın İstintaq Komitəsi (İK) rusiyayönlü bloger Miki Badalyana qarşı erməni qərbyönümlü internet resurslarından birinin jurnalisti Jirair Voskanyanın şikayətindən sonra cinayət işi açıb.
Poliqon xəbər verir ki, bu barədə İstintaq Komitəsinin mətbuat xidməti məlumat yayıb.
Voskanyan hüquq-mühafizə orqanlarına bildirib ki, mayın 5-də axşam saatlarında İrəvanın mərkəzindəki klubların birində Badalyan və dostları onunla mübahisə edib, ona hörmətsiz əl jestləri göstərib, telefonunu alaraq sonra geri qaytarıblar, nəticədə mobil cihaz zədələnib.
"Alınan məlumatla əlaqədar "bir qrup şəxs tərəfindən törədilən xuliqanlıq" və "özbaşınalıq" maddələri ilə cinayət işi başlanıb", deyə komitənin saytında dərc olunan məlumatda qeyd edilir.
Mətbuat xidmətindən bildirilib ki, araşdırma zamanı hadisə iştirakçılarının əməllərinə hüquqi qiymət verilməsi məqsədilə hadisənin baş vermə şəraitinin aydınlaşdırılması istiqamətində tədbirlər davam etdirilir.
Blogerin vəkilləri Erik Aleksanyan və Aleksandr Koçubaev bildiriblər ki, əllərində Badalyanın Voskanyanyana qarşı zorakılıq etmədiyinə dair təkzibolunmaz sübutlar var. Vəkillərin bəyanatında qeyd olunur ki, onların müdafiəsi istənilən vaxt müstəntiqin qarşısına çıxmağa hazırdır.
Poliqon.info
Digərxəbərlər
Populyar xəbərlər
