Avropa İttifaqı Rusiyanın aktivlərindən əldə edilən gəlirin 90%-ni Ukrayna üçün silah almağa ayırmağa razılaşıb...
Aİ Rusiyanın dondurulmuş aktivlərinin Kiyevin hərbi ehtiyacları üçün istifadəsi ilə bağlı konsensus əldə edib.
Poliqon xəbər verir ki, bu barədə Almaniya kansleri Olaf Şolts Latviyaya səfəri zamanı keçirdiyi mətbuat konfransında müvafiq bəyanatla çıxış edib. Şolts bildirib ki, Avropa İttifaqı Rusiyanın dondurulmuş aktivlərindən əldə edilən gəlirin 90%-nin Ukraynanın hərbi ehtiyacları üçün istifadə edilməsi ilə bağlı konsensusa gəlib.
“Biz Avropada razılığa gəldik ki, dondurulmuş Rusiya aktivlərindən əldə edilən gəlirdən Ukraynanın ehtiyacları üçün istifadə edilməlidir. Bu, ildə bir neçə milyarda bərabərdir və bu vəsaitlərin təxminən 90%-ni Ukraynanın müdafiə məqsədləri üçün istifadə ediləcək”, Şolts bildirib.
Kansler əlavə edib ki, vəsait Avropadan silah almaq öhdəliyi olmadan istifadə olunacaq.
Poliqon.info
Digərxəbərlər
Populyar xəbərlər
