Ceyhun Bayramov və Ararat Mirzoyan mayın 10-da Qazaxıstanın Almatı şəhərində görüşəcək...
Zeynal Əmrəliyev: “Almatı görüşündə mühüm gözləntilər var, irəli doğru mühüm qərarlar qəbul ediləcəyi gözləniləndir”.
“Müzakirələrin başlaması üçün əsas problem qeyri-anklav kəndlərlə bağlı idi, həmin problem də bir güllə belə atılmadan öz ədalətli həllini tapdı”.
Bu sözləri politoloq Zeynal Əmrəliyev Azərbaycan və Ermənistan xarici işlər nazirlərinin növbəti gözlənilən görüşünü Poliqon-a şərh edərkən qeyd edib.
Xəbər verdiyimiz kimi, Azərbaycan və Ermənistan xarici işlər nazirləri Ceyhun Bayramov və Ararat Mirzoyan mayın 10-da Qazaxıstanın Almatı şəhərində görüşəcək. Arart Mirzoyan görüş barədə nikbin danışıb və vurğulayıb ki, iki ölkə arasında müəyyən anlama var.
Almatı görüşündə hansısa irəliləyişlər mümkün ola bilər?
Azərbaycan və Ermənistan arasında baş verən son prosesləri Poliqon-un əməkdaşı politoloq Zeynal Əmrəliyev ilə müzakirə edib.
Zeynal Əmrəliyev: “Məsələnin ən maraqlı tərəfi tərəflərin birbaşa, vasitəçisiz ünsiyyət qurub uğur qazanmasıdır. Bu çox mühüm məsələdir”.
Almatı görüşündə mühüm gözləntilər olduğunu qeyd edən poliqtoloq Poliqon-a bildirib ki, Qazaxıstanda irəliyə doğru mühüm addımlar atılacağı gözləniləndir:
“İndiyə qədər iki ölkə arasında müəyyən təmaslar olub və uğurlar qazanılıb. Müzakirələrin başlaması üçün əsas problem qeyri-anklav kəndlərlə bağlı idi, həmin problem də bir güllə belə atılmadan öz ədalətli həllini tapdı. Bu mühüm irəliləyişdir. Bundan sonra sərhədlərin delimitasiyası ilə bağlı uğurlu fəaliyyət gedir.
Düzdür, hazırda Ermənistan daxilində Tavuşun dini rəhbəri Baqrat Qalstyanın rəhbərlik etdiyi və keçmiş prezident Robert Köçəryanın yaxından dəstəklədiyi aksiyalar gedir. Ancaq bu aksiyaların uğur qazanması ehtimalı çox zəifdir. Çünki erməni xalqı bu qüvvələrin, Köçəryan-Sarkisyan qrupunun hakimiyyətini bir dəfə görüb. Onlara yenidən etimad göstərilməsi ehtimalı çox zəifdir. Buna görə də, baş tutan aksiyalar uğursuz olacaq, lakin Ermənistanda bu aksiyalar bəzi kriminal qrupları fəallaşdıra bilər.
Zeynal Əmrəliyev: “Ermənistanın yeganə yolu Azərbaycanla sülh imzalamaq və regional əməkdaşlıq formatına qoşulmadır”.
Almatı görüşündə mühüm gözləntilər var, irəli doğru mühüm qərarlar qəbul ediləcəyi gözləniləndir. Ermənistanın yeganə yolu Azərbaycanla sülh imzalamaq və regional əməkdaşlıq formatına qoşulmadır. Çünki Ermənistan Rusiya orbitində qopub, Brüssel görüşüdə göstərdi ki, Qərbədə çox güvən olmaz. Buna görə İrəvan üçün ən yaxşısı Azərbaycanla problemləri həll etməkdir. Məsələnin ən maraqlı tərəfi isə tərəflərin birbaşa, vasitəçisiz ünsiyyət qurub uğur qazanmasıdır. Bu çox mühüm məsələdir.
Gözlənti budur ki, bu ilin sonuna kimi Azərbaycan və Ermənistan arasında sülh müqaviləsi imzalanacaq”.
Nərminə UMUDLU
Poliqon.info