Fevralın 9-da futbol üzrə Səudiyyə Ərəbistanı çempionatının 16-cı turunda “Əl-Nəsr” klubu “Əl-Vəhda” üzərində 4:0 hesabı ilə qələbə qazanıb…
Poliqon.info xəbər verir ki, qarşılaşma Məkkədə, “Əl-Vəhda” klubunun meydanında keçirilib və “Əl-Nəsr” klubunda dörd qolu da portuqaliyalı hücumçu Kriştianu Ronaldu vurub.
Xatırladaq ki, noyabrın 20-dən dekabrın 18-dək Qətərdə keçirilən dünya çempionatı zamanı Kriştianu Ronaldo tərəflərin qarşılıqlı razılığı ilə Premyer Liqa klubu “Mançester Yunayted”lə müqaviləyə xitam verib və 2022-ci il dünya çempionatı başa çatdıqdan sonra “Əl-Nasr” klubunda oynamağa başlayıb.
Portuqaliyalı hücumçu yanvarın 22-də Səudiyyə Ərəbistanı çempionatının 14-cü turunda “Əl-İttifaq” klubu ilə oyunda debüt edib.
Poliqon.info