Çində Covid-ə yoluxma nisbəti 90%-ə çatıb

PİA.az “The Guardian” qəzetinə istinadən xəbər verir ki, çinli bir səlahiyyətli ölkənin üçüncü ən sıx məskunlaşdığı bölgədə yaşayanların 90%-nin Covid-ə yoluxduğunu söyləyib.

Xəbərə görə, Covid məhdudiyyətlərinin qaldırılmağa başladığı Çində yoluxmalar sürətlə artarkən, Henan əyalətinin Səhiyyə Komissiyasının direktoru Kan Quançenq əyalətdəki son vəziyyətlə bağlı açıqlama verib. Quançenq əyalətdə Covid-ə yoluxma nisbətinin 90% olduğunu bildirib.

Quançengin açıqlamasına görə, 99,4 milyon əhalisi olan Henanda 88,5 milyon insan Covid-ə yoluxmuş ola bilər.

Çində keçən ay iqtisadiyyata və sosial həyata mənfi təsir göstərən karantin, kütləvi test və qapanma kimi tədbirlər üç ildən sonra yumşaldılıb. Lakin beləliklə, ölkədə yoluxmalar da sürətlə artıb.

pia.az