Məşhur müğənninin konsertini polis dronla izləyəcək

PİA.az Türkiyə mətbuatına istinadən xəbər verir ki, İzmir Polis Şöbəsi şəhərdə Yeni ildən 3 gün əvvəl başlayacaq təhlükəsizlik tədbirləri çərçivəsində hava və dəniz tətbiqlərini həyata keçirəcəyini bildirib. Şöbə bu çərçivədə təxminən 6 min polisin iş başında olacağını və Gülşənin Yeni il gecəsi səhnəyə çıxacağı Gündoğdu Meydanına pilotsuz təyyarə ilə nəzarət edəcəyini açıqlayıb.

Şəhərdə 29 dekabr - 1 yanvar tarixləri arasında planlaşdırılan və təxminən 6 min polisin iştirakı ilə həyata keçiriləcək işlərdə oğurluq, dava və təcavüz kimi hadisələrə qarşı təqib və yoxlamalar gücləndiriləcək.

Tədbirlər çərçivəsində quruda aparılan yoxlamalarla yanaşı, vertolyot və dronlarla hava yolu, dəniz nəqliyyatı vasitələri ilə isə dəniz nəzarətdə saxlanılacaq. Avtobus dayanacaqlarının, bərə dayaqlarının, metro və tramvay stansiyalarının giriş-çıxışlarında nəzarət-buraxılış məntəqələri yaradılacaq. Tədbirlər çərçivəsində əyləncə mərkəzlərində də saxta içkilərlə bağlı yoxlamalar aparılacaq. Yeni il gecəsi üçün şəhər mərkəzindən Çeşmədə polis gücləndirmələri ediləcək.

Polis Gülşənin səhnə alacağı Yeni il konsertinin planlaşdırıldığı Gündoğduda dronla görüntülər çəkəcək. Hərəkətə nəzarətlə yanaşı, Kordona gedən yollarda da təhlükəsizlik nəzarəti həyata keçiriləcək.

Qeyd edək ki, Gülşən İmam Hatip liseyini bitirən rəfiqəsinə etdiyi zarafata görə 4 gün həbsdə olub və daha sonra sərbəst buraxılıb.

pia.az