Ermənilərin yeni oyunu - Separatçılar qanunsuz istismarlarını hüquqiləşdirmək üçün BMT-yə müraciət ediblər...

Politoloq: “Separatçıların təbii sərvətlərimizin istismarını dayandırması qərarı onların öz işləridir. Bu, Azərbaycan üçün heç bir məna kəsb etmir”.

“Fəaliyyəti dayandırmala beynəlxalq təşkilatlara ekoloji ekspertiza üçün müraciət edilməsi fikri onu göstərir ki, şirkət idarəçiləri qorxu içərisindədirlər”.

Bu sözləri politoloq Azər Qasımov separatçıların təbii sərvətlərimizin istismarını dayandırması qərarını PİA.az-a şərh edərkən qeyd edib.

Dünən separatçılar bəyanat yayaraq bildirib ki, “Base Metals” şirkəti “Dəmirli” mis-molibden yatağında qanunsuz istismarını dayandırmaq qərarına gəlib. Eyni zamanda ekoloji ekspertiza üçün beynəlxalq təşkilatlara müraciət etmək qərara alınıb.

Separatçıların bu qərarını necə dəyərləndirmək olar? Azərbaycanın Qarabağ iqtisadi rayonu ərazisinə separatçıların və yaxud da Ermənistanın beynəlxalq ekspertlər dəvət etməsi BMT nizamnaməsinə və beynəlxalq qaydalara nə qədər uyğundur? Həmçinin BMT Azərbaycanın icazəsi olmadan Qarabağa hər hansı missiya yollaya bilərmi?

Ermənistanın növbəti oyununu PİA.az-ın əməkdaşı BAXCP sədrinin müşaviri, politoloq Azər Qasımov ilə müzakirə edib.

Azər Qasımov: “Nəinki BMT, heç bir qurum və təşkilat Azərbaycanın icazəsi və razılığı olmadan Qarabağa hər hansı bir missiya yollaya bilməz”.

Azərbaycan dövlətinin hər zaman atdığı addımlarda beynəlxalq hüququn norma və prinsipləri əsasında hərəkət etdiyini xatırlada politoloq PİA.az-a bildirib ki, bununla yanaşı BMT və başqa digər təşkilatların belə bir fikri olsa idi, onda 30 il erməni işğalı nəticəsində min bir əzab və əziyyətə düçar olmuş azərbaycanlıların hüquqlarını yada salardılar:

“Separatçıların təbii sərvətlərimizin istismarını dayandırması qərarı onların öz işləridir. Bu, Azərbaycan üçün heç bir məna kəsb etmir. Tək adı çəkilən “Base Metals” şirkəti deyil, Ermənistanda və digər ölkələrdə hüquqi qeydiyyatdan keçən Vallex Group, ACP, Lerna Metalurgiayi İnstitute şirkətləri daxil bütün şirkətlər, onların yaradıcısı ölkələr və şəxslər hamısı beynəlxalq qanun qarşısında cavab verməli olacaqlar.

Fəaliyyəti dayandırmala beynəlxalq təşkilatlara ekoloji ekspertiza üçün müraciət edilməsi fikri isə onu göstərir ki, şirkət idarəçiləri qorxu içərisindədirlər. Yaxşı başa düşürlər ki, indiyə kimi Azərbaycan təbiətinə və dövlətinə vurduqları ziyana görə təzminat ödəməyə məcbur ediləcəklər, ona görə əl-ayağa düşüblər. Ermənilər indi qabaqdangəlmişlik edirlər. Əvvəla onlar kimdir ki, Azərbaycan ərazisinə hansısa ekspertlər dəvət etməkdən danışırlar? Kimi dəvət etmək lazımdırsa, Azərbaycan dövləti bunu yaxşı bilir və qərarı da özü verəcək. Bu, hansısa oğru və quldurlardan təşkil edilmiş bir şirkətin işi deyil.

Azər Qasımov: “Bu şirkətlər əgər belə beynəlxalq hüquqa inanan idilərsə, onda ilk növbədə beynəlxalq arenada və BMT-də rəsmən Azərbaycan əraziləri hesab edilən Qarabağda fəaliyyət göstərmək üçün Azərbaycandan icazə alınmalı olduğunu bilməli idilər”.

Qaldı ki, nəinki BMT, heç bir qurum və təşkilat Azərbaycanın icazəsi və razılığı olmadan Qarabağa hər hansı bir missiya yollaya bilməz. Bu o vaxt ola bilər ki, Azərbaycan dövləti öz hərəkətləri ilə hər hansı qeyri-insani addım ata və həmin ərazidə yerləşən insanların həyatı üçün təhlükə yaradan və ya onların məhvinə yönəlik hərəkətlərə yol versin. Bu isə mümkün deyil. Azərbaycan dövləti hər zaman atdığı addımlarda beynəlxalq hüququn norma və prinsipləri əsasında hərəkət edir. Bununla yanaşı BMT və başqa digər təşkilatların belə bir fikri olsa idi, onda 30 il erməni işğalı nəticəsində min bir əzab və əziyyətə düçar olmuş azərbaycanlıların hüquqlarını yada salardı.

Bu şirkətlər əgər belə beynəlxalq hüquqa inanan idilərsə, onda ilk növbədə beynəlxalq arenada və BMT-də rəsmən Azərbaycan əraziləri hesab edilən Qarabağda fəaliyyət göstərmək üçün Azərbaycandan icazə alınmalı olduğunu bilməli idilər”.

Nərminə UMUDLU
pia.az