Macarıstan hakimiyyəti Rusiya ilə xüsusi əlaqələrin olmadığını bəyan edib…
PİA.az xarici mətbuata istinadən xəbər verir ki, bu barədə Macarıstanın baş nazirinin aparatının rəhbəri Gergely Gouyaş bildirib.
“ Budapeştlə Moskva arasında, eləcə də bu ölkələrin liderləri - Macarıstanın baş naziri Viktor Orban və Rusiya prezidenti Vladimir Putin arasında xüsusi münasibət yoxdur”, deyə Macarıstan rəsmisi bildirib.
Quyaş qeyd edib ki, Qərb mediası bəzən Macarıstanı praktiki olaraq Rusiyanın müttəfiqi kimi qələmə verir:
“Siyasi opponentlərimiz bu barədə səmimi danışmaqda maraqlı olmadığından, Avropa mətbuatı Macarıstana böhtan atmağa çalışır, iddia edir ki, Macarıstanla Rusiya arasında, Putinlə baş nazir arasında hansısa xüsusi münasibət var. Halbuki Moskva ilə heç bir əlaqəmiz yoxdur”, deyə Macarıstanın baş nazirinin ofisinin rəhbəri vurğulayıb.
Qeyd edək ki, daha əvvəl Macarıstanın Avropa İttifaqından bəzi Rusiya vətəndaşlarının sanksiya siyahısından çıxarılmasını xahiş etməsi ilə bağlı məlumatlar yayılmışdı.
pia.az
Digərxəbərlər
Populyar xəbərlər
