Britaniya Ukraynaya 300 km məsafəni vuracaq silahlar verəcək

PİA.az xarici mətbuata əsasən xəbər verir ki, Böyük Britaniyanın müdafiə naziri Ben Uolles Ukraynanı 300 km-dən çox mənzilə malik ATACMS raketləri və ya digər uzaqmənzilli silahlarla təchiz etmək niyyətlərinin olduğunu açıqlayıb.

Nazirin sözlərinə görə, London daim Ukraynaya hansı sistemlərin verilə biləcəyi sualı üzərində düşünür.

Ben Uolles qeyd edib ki, NATO-ya üzv ölkələrin arsenallarında Kiyevə ötürmək üçün potensial olaraq uyğun uzaqmənzilli silah sistemləri var.

Xatırladaq ki, Qərb tərəfdaşları Ukrayna Silahlı Qüvvələrini uzaqmənzilli silahlarla təmin etməkdən dəfələrlə imtina ediblər.

pia.az