Azərbaycan İstiqlal muzeyində 44 günlük Vətən müharibəsində qazanılan tarixi qələbənin ikinci ildönümü ilə əlaqədar Zəfər həftəsi (01-05.11.2022) çərçivəsində silsilə tədbirlər davam edir...
PİA.az xəbər verir ki, həftə çərçivəsində 3 noyabr 2022-ci il tarixində “Qarabağım” adlı musiqili-bədii tədbir keçirildi.
44 günlük Vətən müharibəsində “Dəmir Yumruq” birliyi ilə haqq və ədaləti bərpa etmiş Azərbaycan xalqı böyük qələbə, zəfər tarixi yazdı. Əldə olunan möhtəşəm zəfərdən illər keçsə də heç bir zaman rəşadətli Azərbaycan Ordusunun şücaəti, xalqımızın birliyi yaddaşlardan silinməyəcək, gələcək nəsillərə qoyulan bu qəhrəmanlıq mirası daima uca tutulacaq.
Tədbirdə şairə, Azərbaycan Yazıçılar Birliyinin üzvü Kamalə Abiyevanın vətənpərvərlik mövzusuna həsr etdiyi “Torpaq” adlı kitabının təqdimatı keçirildi.
Tədbirdə istedadlı müğənni Vüsal Hacıyevin ifasında sözləri Kamalə Abiyevaya, musiqisi Gülşən Rafiqqızına aid olan “Qarabağım” mahnısı ilk dəfə səsləndirildi, eləcə də vətən mövzusunda nəğmələr ifa olundu.
Tədbirdə şəhid ailələri, Azərbaycan Yazıçılar Birliyinin üzvləri, Heydər Əliyev adına Azərbaycan Ali Hərbi məktəbin kursantları, “Böyük Qayıdış ” Gənclər İctimai birliyinin üzvləri iştirak etdilər.
Fotolar
pia.az