PİA.az 22-ci dünya futbol çempionatının final mərhələsinə çıxmış komandaların siyahısını təqdim edir.
2022-ci il noyabrın 21-dən dekabrın 18-dək Qətərdə keçiriləcək final raunduna 32 vəsiqənin 1-i ev sahibinə verilib.
Hər birinin 4 birbaşa vəsiqəsi olan Cənubi Amerikadan Braziliya, Argentina, Ekvador və Uruqvay, Asiyadan Cənubi Koreya, İran, Yaponiya və Səudiyyə Ərəbistanı final mərhələsinə adlayıblar.
Avropaya ayrılan yerlərin 10-u tutulub: Serbiya, İspaniya, İsveçrə, Fransa, Belçika, Danimarka, Niderland, Xorvatiya, İngiltərə, Almaniya.
Qalan 3 vəsiqəyə bu komandalar iddia edir: Şotlandiya, Ukrayna, Uels; Polşa, İsveç; Şimali Makedoniya, Portuqaliya.
Şimali və Mərkəzi Amerikadan 3 birbaşa vəsiqəyə bu yığmaların imkanı qalır: Kanada, ABŞ, Meksika, Kosta Rika, Panama.
Qətərdə Afrikanı 5 komanda təmsil edəcək. Həmin vəsiqələrə 10 namizəd var: Misir, Seneqal; Kamerun, Əlcəzair; Qana, Nigeriya; Konqo Demokratik Respublikası, Mərakeş; Mali, Tunis.
2 vəsiqə Asiya təmsilçisi ilə Cənubi Amerika təmsilçisi, Şimali və Mərkəzi Amerika təmsilçisi ilə Okeaniya təmsilçisi arasında əlavə oyunlarda müəyyənləşəcək.
1930-cu ildən keçirilən dünya çempionatlarında Braziliya 5 dəfə, İtaliya və Almaniya 4 dəfə, Uruqvay, Argentina və Fransa 2 dəfə, İngiltərə və İspaniya 1 dəfə qızıl medallara sahib olub. (Novator.az)
pia.az
Digərxəbərlər
Populyar xəbərlər
