Azərbaycan Yazıçılar Birliyinin İdarə Heyətinin üzvü, “Azərbaycan” jurnalının baş redaktorunun müavini, yazıçı-tənqidçi Əsəd Cahangirin mobil telefonu oğurlanıb. Telefon qısa müddətdə polis əməkdaşları tərəfindən tapılıb.
“Report”un əldə etdiyi məlumata görə, bu barədə o, Daxili İşlər Nazirliyinə ünvanladığı təşəkkür məktubunda qeyd edib.
“Mobil telefonum oğurlanmışdı. Məsələ ilə bağlı Bakı Şəhər Baş Polis İdarəsinin Cinayət Axtarışı İdarəsində qəbul edildim. Telefonum qısa zaman kəsiyində tapılaraq mənə qaytarıldı. Daxili İşlər Nazirliyinin rəhbərliyinə minnətdaram”, - Ə.Cahangirov məktubunda bildirib.
pia.az