XX əsrdə dünyanın gözü qarşısında erməni qəsbkarları tərəfindən törədilən Xocalı soyqırımının 30-cu ildönümü ilə əlaqədar Abşeron rayonunda geniş ağacəkmə kampaniyası keçirilib.
Bakupost.az xəbər verir ki, Abşeron Rayon İcra Hakimiyyətinin başçısı Abdin Fərzəliyevin göstəriş və tapşırıqlarına uyğun olaraq soyqırımı qurbanlarının hər birinin xatirəsinə ümumilikdə 613 Eldar şamı əkilib.
Bakı-Şamaxı və Bakı-Sumqayıt yollarının Abşeron rayonuna düşən hissələrində baş tutan ağacəkmə aksiyasında yeni basdırılan ağaclara üzvi gübrə verilib, suvarılmış və lazımi aqrotexniki qulluq göstərilib.
Bundan əlavə, rayonun Abadlıq və Kommunal Xidmətlər İdarəsi tərəfindən ərazi məişət tullantılarından təmizlənib, ümumi iməcilik keçirilib.
pia.az
Digərxəbərlər
Populyar xəbərlər
