AVRO-2020-də 1/4 final mərhələsinin ikinci oyun gününə start verilib.
Apasport.az saytının məlumatına görə, üçüncü yarımfinalçı Çexiya və Danimarka arasında müəyyənləşib.
Bu görüş Bakı Olimpiya Stadionunda keçirilib. Qrup mərhələsində üç qarşılaşmaya ev sahibliyi edən arenada turnir çərçivəsində son matç baş tutub.
Qarşılaşma erkən qolla başlayıb. Tomas Delayni artıq 5-ci dəqiqədə danimarkalıları hesabda önə çıxarıb.
Fasilə ərəfəsində fərq iki topa çatıb. Bu dəfə Kasper Dolberq fərqlənib.
İkinci hissəyə çexiyalılar daha fəal başlayıb. Fasilədən az sonra Patrik Şik çempionatdakı 5-ci qolu ilə azarkeşlərini ümidləndirib. Lakin çexiyalılar matçı xilas edə bilməyərək turnirlə vidalaşıb. Yarışa iki məğlubiyyətlə başlayan Danimarka isə yarımfinala yüksəlib.
Qeyd edək ki, 1/4 final mərhələsinə bu gün keçiriləcək İngiltərə - Ukrayna matçı ilə yekun vurulacaq.
AVRO-2020
1/4 final
3 iyul
20:00. Çexiya – Danimarka - 1:2
Qollar: Patrik Şik, 49 - Tomas Delayni, 5, Kasper Dolberq, 42
Baş hakim: Byörn Kuypers (Niderland)
Bakı Olimpiya Stadionu
***
Çexiya Danimarka qarşısında fərqi azaldıb.
Patrik Şik 49-cu dəqiqədə komandasını ümidləndirən qola imza atıb.
***
Çexiya - Danimarka oyununda ikinci qol vurulub.
Qarşılaşmanın 42-ci dəqiqəsində Mehlenin cinah ötürməsini qola çevirən Kasper Dolberq komandasının üstünlüyünü möhkəmləndirib.
***
Çexiya və Danimarka yığmaları arasında Avropa çempionatının 1/4 final mərhələsinin oyununda hesab açılıb.
"Report"un məlumatına görə, Danimarka seçməsi erkən qola sevinib.
Skandinaviya təmsilçisinin heyətində Tomas Dileyni 5-ci dəqiqədə topu rəqib qapısından keçirib.
***
Çexiya və Danimarka yığmaları arasında futbol üzrə Avropa çempionatının 1/4 final mərhələsinin oyunu start götürüb.
"Report"un məlumatına görə, Bakı Olimpiya Stadionunda (BOS) keçirilən görüş saat 20:00-da başlayıb.
Oyunu niderlandlı FIFA referisi Byorn Kuypers idarə edir.
Qeyd edək ki, daha əvvəl BOS-da A qrupunun üç görüşü gerçəkləşib.
***
Bakı Olimpiya Stadionunda Avropa çempionatının 1/4 final mərhələsinin Çexiya - Danimarka oyununun açılış mərasimi keçirilib.
"Report"un məlumatına görə, ilk olaraq meydanın mərkəzində böyük pankart açılıb və AVRO-2020-nin rəsmi himni səsləndirilib.
Daha sonra meydanın hər iki tərəfində yığma komandaların nəhəng formaları təqdim edilib. Danimarka seçməsində
Qeyd edək ki, qarşılaşma saat 20:00-da start götürəcək.
***
Çexiya və Danimarka yığmaları arasında Bakıda keçiriləcək futbol üzrə Avropa çempionatının 1/4 final matçı üçün start heyətlər açıqlanıb.
"Report" xəbər verir ki, komandalar meydana aşağıdakı "11-lik"lərlə çıxacaqlar:
Çexiya: 1. Vaclík (GK), 3. Čelůstka, 5. Coufal, 6. Kalas, 7. Barák, 9. Holeš, 10. Patrik Şik, 12. Masopust, 13. Şevčík, 15. Souçek (k), 18. Bořil
Danimarka: 1. Schmeichel, 3. Vestergaard, 4. Simon Kyaer (k), 5. Mehle, 6. Kristensen, 8. Dileyni, 9. Braytveyt, 12. Dolberq, 14. Damsqard, 17. Ştriger, 23. Hoybyerq.
Qeyd edək ki, Bakı Olimpiya Stadionundakı (BOS) görüş saat 20:00-da başlayacaq. BOS-da daha əvvəl A qrupunun 3 oyunu da baş tutub.
pia.az