Son günlərdə internet resurslarında və sosial şəbəkələrdə yayılan məlumatlara görə, Naxçıvan Muxtar Respublikasında keçiriləcək toy şənliklərində yemək verilməyəcəyi, qonaqlara yalnız çay və şirniyyat təklif ediləcəyi barədə məlumatlar yayılıb.
PİA.az xəbər verir ki, Naxçıvan Muxtar Respublikasının Bakıdakı Daimi Nümayəndəliyi yayılan məlumatların həqiqəti əks etdirmədiyini qeyd edib.
Bildirilib ki, ölkə üzrə qəbul olunmuş pandemiya qaydalarına uyğun olaraq 2021-ci il iyulun 1-dən mövcud tələblər əsasında Naxçıvan Muxtar Respublikasında da toy və digər şənlik mərasimləri toy qaydalarına uyğun keçiriləcək.
pia.az