İqtisadçı alim Qubad İbadoğlu Azərbaycanın dövlət büdcəsinin neftdən asılılığı məsələsinə diqqət çəkib. Novator.az-ın məlumatına görə, ekspert yazır ki, 2021-ci ilin dövlət büdcəsi layihəsində cari xərclərə 18,01 milyard manat vəsait ayırmaq nəzərdə tutulur: “Büdcə gəlirlərinin 11,65 milyard manatı qeyri-neft sektorunun payına düşür. Qeyri-neft sektorunun gəlirləri cari xərclərin ən yaxşı halda 64,7 faizinə bəs edir. Bu o deməkdir ki, büdcəyə neft pulları gəlmədiyi halda qeyri-neft sektorunun hazırkı potensialı ilə ən vacib xərclərin (idarəetmə, əməkhaqqı, sosial müavinət və sairə) hər 3 manatından 1 manatı kəsirdə qalır.
Büdcə yalnız cari xərclərdən ibarət deyil. Layihəyə görə, gələn ilin büdcəsinin 8,3 milyard manatı əsaslı xərclərə, 2,2 milyard manatı dövlət borcuna xidmətlə bağlı xərclərə yönəldiləcək.
Başqa ölkələrlə müqayisə aparsaq, neft gəlirləri çıxılarkən büdcə mövqeyimiz xeyli zəifləyir. Ermənistanın 2021-ci il büdcəsində adambaşına gəlir proqnozu 1099 dollardır. Gürcüstanda bu göstərici 1135 dollara, Türkiyədə 1670 dollara, Rusiyada 1752 dollara bərabərdir.
Azərbaycanda gələn il adambaşına 1477 dollar büdcə gəliri nəzərdə tutulur. Ancaq neft gəlirləri nəzərə alınmasa, rəqəm 676 dollara düşür”.
pia.az
Digərxəbərlər
Populyar xəbərlər
