Xəbər verildiyi kimi, bir müddət əvvəl 20 -yə yaxın yük maşınlarının dövlət nömrə nişanları sökülmüşdü. Nömrələrin kim tərəfindən sökülməsi istiqamətində araşdırma aparılacağı deyilmişdi. Artıq həmin araşdırmanın nəticəsi məlum olub.
PİA.AZ-ın ANS TV-yə istinadən məlumatına görə, nazirliyin mətbuat katibi Namiq Həsənov deyib ki, həmin şəxslər bu yola sürücülərin lisenziyası və fərqlənmə nişanları olmadığı üçün əl atdıqlarını bildiriblər.
Amma istənilən halda, bu qanun pozuntusu olduğu üçün müfəttişlərin etdikləri hərəkət sübuta yetirilib və 3 nəfər rəhbərlik tərəfindən işdən qovulma ilə cəzalandırılıb: “Bundan sonra da kimsə bu hərəkəti edərsə, ən azı işindən azad olunacaq.”
N.Həsənov bildirib ki, yəqin bundan sonra heç bir müfəttiş bu üsula əl atmağa cəsarət etməyəcək. Çünki onların başqa işləri də araşdırılacaq və ən sərt cəza tədbirləri görüləcək.
Onu da qeyd edək ki, nömrələr geri qaytarılıb və sürücülərə qeyri-qanuni fəaliyyət göstərdikləri üçün xəbərdarlıq edilib.