Dünyada 2019-cu ilin ən yadda qalan hadisələri - Foto

BAKU.WS xəbər verir ki, baş verənlər arasında böyük ajiotaj yaradan hadisələrdən çevrilişlər, silahlı hücumlar və başqa siyasi prosesləri göstərmək olar.

Cari ildə dünya KİV-lərinin geniş yer verdiyi hadisələri təqdim edirik.

23 yanvar - Venesuela Milli Məclisinin sədri Xuan Guaido ölkədəki hökumət əleyhinə nümayişlərdə özünü "müvəqqəti prezident" elan etdi.

26 fevral - Hindistan Hərbi Hava Qüvvələrinin 12 "Mirage-200" təyyarəsi Pakistan sərhədini 80 kilometr keçərək Balakot yaşayış məntəqəsi rayonunda "Ceyş-ə-Məhəmməd" qruplaşmasının düşərgəsinə hava zərbəsi endirmişdi. Bundan sonra Pakistanın Hərbi Hava Qüvvələri ölkənin hava məkanını pozan iki Hindistan təyyarəsini vurmuşdu.

15 mart - Yeni Zelandiyanın Kristçurç şəhərindəki iki məscidə təşkil edilən silahlı hücum zamanı 51 nəfər ölmüş və 49 nəfər yaralanmışdı.

25 mart - ABŞ Prezidenti Donald Tramp "ABŞ-ın Golan yüksəklikləri üzərindəki İsrailin suverenliyini rəsmi olaraq tanıdığını" elan edən sərəncam imzaladı.

11 aprel - Sudanda ordu hakimiyyəti ələ keçirdi. Prezident Ömər əl-Bəşir həbs olundu, Müdafiə naziri Avad bin Avfın rəhbərlik etdiyi Hərbi Keçid Şurası isə 2 illik keçid dövrünü elan etdi.

20 may - "Google" şirkəti ABŞ hökumətinin Çinin texnologiya nəhəngi olan "Huawei"yi "qara siyahı"ya almasından sonra, "Huawei" istifadəçiləri üçün Android əməliyyat sisteminə girişi əngəlləyib.

17 iyun - Misirin ilk demokratik seçilmiş prezidenti Məhəmməd Mursi məhkəmə salonunda öldü.

5 avqust - Hindistan Cammu Kəşmirin xüsusi statusunu qaldırdı və onu iki birlik ərazisinə böldü. Qərardan sonra Hindistan təhlükəsizlik qüvvələri Cammu Kəşmirdə ictimai asayiş əməliyyatları və xalqa təzyiqləri artırdı, internet, telefon və nəqliyyatda komendant saatı tətbiq olundu.

14 sentyabr - Səudiyyə Ərəbistanının milli neft şirkəti "Saudi Aramco"-ya məxsus iki obyekt pilotsuz uçuş aparatı tərəfindən partladıldı.
1 oktyabr - İraqda işsizlik, korrupsiya və dövlət qulluğunun olmamasına etiraz olaraq başlayan nümayişlərdə ən azı 450 nəfər ölmüş və 19 mindən çox insan yaralanmışdı.

1 noyabr - ABŞ ordusu Suriyada İŞİD terrorçularına təşkil etdiyi əməliyyat zamanı Əbu Bəkr əl-Bağdadini öldürdü.

10 noyabr - oktyabrın 26-da Boliviyada keçirilən prezident seçkilərinin ilk turunda qalib gələn, səslərin sayılması iddiaları ilə əlaqədar ölkədə etirazlara səbəb olan prezident Evo Morales, ordunun təzyiqi ilə istefa verdi.

pia.az