Bakıda Nizami rayonunun Keşlə qəsəbəsindən bir qrup vətəndaş saytımıza onlara minimum pensiyaların tam ödənilməməsi ilə bağlı şikayət ünvanlayıb
Qəsəbə sakini Mehdiyeva Sevil “Yeni Sabah”a bildirib ki, artıq bəzi qəsəbə sakinləri pensiyaları artımla alsalar da, bəzilərində artım olmayıb.
“Biz Nazirliyə müraciət etdik və pensiyaların vaxtında və artımla ödənilməli olduğunu qeyd etdilər. Lakin Nizami Rayon Sosial fondunun ümumi şöbəsinə müraciət etdikdə isə artımın olmadığını deyirlər. Bizim xahişimiz odur ki, bu məsələ araşdırılsın və bizə düzgün məlumat verilsin. Hazırda mən 130 manat qonşular isə 200 manat pensiya alır. Qərara əsasən oktyabrın 1-dən 200 manat almalıyıq. Əgər qərar belədirsə, biz niyə 200 manat almırıq”, deyə pensiyaçı bildirib.
Xatırladaq ki, sentyabrın 30-da Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən verilən məlumatda bildirilib ki, Azərbaycan Prezidenti İlham Əliyevin təsdiqlədiyi “Əmək pensiyaları haqqında” qanunda dəyişiklik edilməsi barədə” Azərbaycan Respublikasının Qanunu ilə ölkəmizdə əmək pensiyasının minumum məbləği oktyabrın 1-dən 160 manatdan 200 manata çatdırılır.
pia.az
Digərxəbərlər
Populyar xəbərlər
