“İlyarım öncə Vaşinqtonda işləməyə başladığım zaman yazdığım ilk yazılardan biri həmin günlərdə PYD-nin Vaşinqton təmsilçisi olan İlham Əhməd haqqında idi”
Bu sətirlər “Habertürk”ün Vaşinqton təmsilçisi Sərdar Turqutun 01 fevral 2019-cu il tarixində dəc olunmuş yazısındandır.
Müəllif bildirir ki, məqsədi oxucuların həmin qadını tanımaları və onun burada təmsilçi olmasının Türkiyə baxımından mənasının nə olduğunu anlatmaq idi: “Tanıdığım qədəri, PYD-nin Vaşinqton təmsilçisi olan İlham Əhməd tipik bir PKK fəalı idi və bunu heç gizlətmirdi. ABŞ rəhbərliyi ilə əlaqələri çox yaxşı idi. Vaşinqton rəsmi olaraq terrorçu elan etdiyi bir təşkilatın fəalı ilə əlaqə qurmaqda problem görmürdü.
İlham Əhməd həftədə ən azı bir gün Ağ Evə gedir və prezidentin adamları ilə görüşürdü. Onun Suriyaya gəlib-getməsini də Pentaqon təşkil edir, ABŞ hərbi təyyarələri ilə uçurdu”.
Sərdar Turqut vurğulayır ki, həmin günlərdə qurulan əlaqələrin hamını gətirib çıxardığı nöqtə, məlum olduğu kimi, təsadüfi deyil: “Bu üzdən, dünən (31 yanvar nəzərdə tutulur-red.) prezident Trampın Vaşinqtonda öz otelində İlham Əhmədlə sanki təsadüfən qarşılaşması və onunla 15 dəqiqə söhbət etməsi bir çoxları üçün sürpriz ola bilər, lakin mənim üçün qətiyyən olmadı. Çünki bu, təsadüfi qarşılaşma deyildi. Sadəcə, prezidentin adamları bu görüşü elə “təsadüfi görüş” kimi təşkil etmişdilər. Tramp, öz otelinə bəzi senatorlarla yeməkli görüş üçün gəlmişdi, İlham Əhməd də oraya gətirildi və bu görüş baş tutdu.
Mənim qaynaqlarım, o “təsadüfi görüş”də ABŞ-ın öz hərbçilərini Suriyadan geri çəkməsi haqqında qərar verməsindən sonra nələrin olacağı barədə söhbət getdiyini və İlham Əhmədin YPG üzvlərinin necə qorunacağını öyrənmək istədiyini söyləyirlər”.
Müəllif qaynaqlarının verdiyi xəbərə istinadən bildirir ki, prezident Tramp PYD fəalına təşkilatın Suriya rejimi ilə görüşməsinə qarşı çıxmayacaqlarını da söyləyib: “Anlayacağınız odur ki, ABŞ rəhbərliyi regionumuzda, həmişə anlatmağa çalışdığım kimi, əməlli-başlı Rusiyanın arxasına düşmüş durumdadır.
Ona görə də, dünən (yenə yanvarın 31-i nəzərdə tutulur-red.) Moskvaya gedən Türkiyə nümayəndə heyətinin keçirəcəyi görüşlər və “Astana üçlüyü”nün fevral ayı içində keçirəcəyi zirvə görüşü çox önəmli hala gəlmiş durumdadır. Belə ki, bu görüşlər tıxanma nöqtəsinə gəlmək üzrə olan bəzi proseslərin önünü açmağa müvəffəq ola bilər”.
Sərdar Turqut sonda qeyd edir ki, Vaşinqton verdiyi görüntülərlə nəyi, nə qədər edəcəyini çoxdan göstərmiş durumdadır: “Görünür, iş əsasən Türkiyə ilə Rusiya tərəfindən, İranın da dəstəyi alınaraq, həll ediləcək”.(virtualaz.org)
pia.az
Digərxəbərlər
Populyar xəbərlər
