"Almaniya İsrailə qarşı daha sərt siyasət yürütməlidir"...
Poliqon xəbər verir ki, bu barədə Münhen Təhlükəsizlik Konfransının rəhbəri, Almaniyanın keçmiş kansleri Angela Merkelin müşaviri olmuş Kristof Heusgen "Financial Times" qəzetinə müsahibəsində bildirib.
"Almaniya İsraillə diplomatik əlaqələrindən istifadə edərək, onu beynəlxalq hüquqa hörmət etməyə çağırmağa davam etməlidir", deyə siyasətçi bildirib.
Heusgenin sözlərinə görə, israilli köçkünlərin İordan çayının qərb sahilindəki fəaliyyəti və Fələstin dövlətinin yaradılmasına qarşı çıxması beynəlxalq hüququn pozulmasıdır. O, Almaniyanın buna müdaxilə etməli olduğunu bildirib.
Bundan əvvəl Almaniyanın Fələstinin HƏMAS radikal qruplaşması ilə əlaqələri şübhəsi ilə bağlı BMT-nin Fələstinli Qaçqınlara Yardım və İşlərin İşi üzrə Yaxın Şərq Agentliyinə (UNRWA) maliyyə ayırmasını dayandıracağı bildirilmişdi.
Qeyd edək ki, oktyabrın 7-də minlərlə silahlı HƏMAS tərəfdarının Qəzza zolağından İsrailə daxil olması ilə Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu açıqlayıb.
İsrailin cavab əməliyyatının məqsədi hücumu dəf etmək, xaricilər də daxil olmaqla 200-dən çox girovu azad etmək və HƏMAS-ı məhv etmək olub. Bu məqsədə çatmaq üçün İsrail əməliyyatın ilk günündən Qəzza zolağına kütləvi raket hücumları həyata keçirib. Eyni zamanda, İsrail Milli Təhlükəsizlik Şurası sektora su, ərzaq, mal, elektrik və yanacaq tədarükünün dayandırılmasına qərar verib.
Noyabrın 22-də İsrail və HƏMAS humanitar fasilə və bəzi girovların azad edilməsi barədə razılığa gəliblər. Noyabrın 24-də atəşkəs sazişi rəsmi olaraq qüvvəyə minib və dekabrın 1-də səhər saatlarında başa çatıb. Atəşkəsin bağlandığı həftə ərzində HƏMAS 110 girovu azad edib.
Poliqon.info
Digərxəbərlər
Populyar xəbərlər
