ABŞ Xəzinədarlığı: Mart ayında Rusiyanın ölkənin dövlət istiqrazlarına investisiyaları 77 milyon dollara çatıb...
Poliqon xəbər verir ki, ABŞ Maliyyə Nazirliyinin məlumatına görə, Rusiya mart ayında ABŞ dövlət istiqrazları portfelini fevraldakı 75 milyon dollardan 77 milyon dollara qədər artırıb.
Mərkəzi Bank Rusiya avrobondlarında isə qeyri-rezidentlərin payının azaldığını qeyd edib.
Maliyyə Nazirliyinin mart ayı üçün açıqladığı statistikaya görə, Rusiya portfeli 68 milyon dollar uzunmüddətli, 9 milyon dollar isə qısamüddətli qiymətli kağızlardan ibarətdir.
Rusiya indi ABŞ-ın ən böyük borc sahibləri sırasında deyil. Rusiya Mərkəzi Bankının bir vaxtlar 96 milyard dollar olan investisiyaları 2018-ci ildə kəskin şəkildə azalmağa başlayıb.
ABŞ-ın ən böyük borc sahibləri siyahısında birinci yerdə Yaponiya tutur. Tokionun investisiyaları bir ay ərzində 5,86 milyard artaraq 1,087 trilyon dollara çatıb. Çin ikinci yerdə 869,3 milyard dollarla (20,5 milyard dollar artım) qalır. Sonrakı yerdə öz balansındakı istiqrazların həcmini 70,9 milyard dollar artıran Böyük Britaniya (713,9 milyard dollar) gəlir.
Polioqn.info