Rusiyanın xarici işlər naziri Sergey Lavrovun gələn həftə Nyu-Yorkda amerikalı həmkarları ilə görüşü nəzərdə tutulmayıb...
Poliqon xəbər verir ki, bu barədə jurnalistlərə Rusiya Federasiyası xarici işlər nazirinin müavini Sergey Ryabkov məlumat verib.
"ABŞ-ın Rusiyaya qarşı apardığı dərin düşmənçilik siyasəti nəticəsində bu məsələnin necə göründüyünü və son bir neçə ildə bu məsələyə necə baxıldığını nəzərə alsaq, prinsipcə belə bir əlaqənin mümkün olacağını güman etmirəm", deyə Sergey Ryabkov bildidib.
Rusiyalı diplomatın sözlərinə görə, Amerika dövlət katibi Entoni Blinkenin Nyu-Yorkda olacağı barədə də məlumat yoxdur.
Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Sergey Lavrov yanvarın 22-24-də Nyu-Yorkda BMT Təhlükəsizlik Şurasının Yaxın Şərq üzrə açıq debatlarında və Ukrayna məsələsinə dair iclasında iştirak edəcək.
Poliqon.info