WSJ: İsrailin müdafiə naziri İrana qarşı əməliyyat planlaşdırmaq üçün ABŞ-a getməyib...
İsrailin müdafiə naziri Yoav Qalant oktyabrın 9-da ABŞ-a planlaşdırılan səfərini təxirə salıb, çünki İsrail son raket hücumuna cavab olaraq İrana qarşı əməliyyatlara hazırlaşır.
Poliqon xəbər verir ki, bu barədə İsrail hökumət rəsmiləri arasında olan mənbəyə istinadən The Wall Street Journal (WSJ) məlumat yayıb.
Qeyd olunur ki, Qalantın səfərinin təxirə salınması ilə bağlı qərarı İsrailin baş naziri Binyamin Netanyahu verib. Eyni zamanda, Amerika tərəfi hələ də İsrailin İrana ehtimal edilən zərbəsinin vaxtı və ya nəzərdə tutulan məqsədləri barədə heç nə bilmir. Məqalə müəllifləri yazır ki, bu fonda Ağ Ev İsrail hakimiyyətini münaqişənin regional müharibəyə çevrilməsi riskinə görə İranın neft və ya nüvə obyektlərinə zərbə endirməməyə çağırır.
WSJ-nin məlumatına görə, Livan şiə hərəkatı “Hizbullah”ın lideri Həsən Nəsrullahın ölüdürülməsi hazırlıqları ilə bağlı ABŞ da əvvəlcədən xəbərdar edilməyib.
Poliqon.info