Ho Qvan Çhol Şimali Koreyanın yeni müdafiə naziri təyin edilib...
Poliqon xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb.
Məlumata görə KXDR-in 14-cü çağırış Ali Xalq Məclisinin 11-ci sessiyasında hökumətdə kadr dəyişiklikləri də həyata keçirilib. Beləliklə, Li Man Su tikintiyə dövlət nəzarəti naziri, Kim Sen Bin isə Elm və Texnologiya üzrə Dövlət Komitəsinin sədri olub.
Bundan əvvəl Şimali Koreyanın müdafiə departamentinin rəhbəri Kan Sun Nam olub.
Oktyabrın 8-də Şimali Koreya lideri Kim Çen In bildirib ki, Şimali Koreya ciddi nüvə gücünə malik hərbi super dövlətin inşasını sürətləndirəcək. Onun sözlərinə görə, Koreya yarımadasında strateji tarazlığın pozulması müharibəyə gətirib çıxaracaq, ona görə də Pxenyanın siyasəti düşmənin qarşısını almağa və regiondakı vəziyyətə nəzarət etməyə imkan verəcək silahlara sahib olmağa yönəlib.
Poliqon.info