Mətbuatda Laçın şəhərinə köçürülmüş sakinlərin işlə təminatında problemlərin olması barədə məlumat yayılıb.
“Report”un məlumatına görə, Laçın şəhər sakinlərinə dəstək məqsədilə yaradılacaq (qida, sənaye, yaradıcılıq, tədris, turizm, tekstil və digər xidmətlər) müəssisələrdə 1200 nəfərin işlə təmin olunması nəzərdə tutulub.
Hazırda 260 nəfər Laçın şəhər sakinləri təlimlərə cəlb olunaraq işə qəbul olunub.
Laçına köçən və işlə bağlı müraciət edən sakinlərə uyğun vakansiyalar təklif olunur və heç bir məhdudiyyət qoyulmur.
Mətbuatda iş problemi ilə fikirləri getmiş Könül Nəcəfovanın həyat yoldaşı İskəndər Nəcəfov və övladı Emil Nəcəfov yüksək əməkhaqqı ilə işlə təmin olunublar. O cümlədən, Gündüz Təhməzov və ailə üzvlərinin də müraciətlərinə baxılaraq işlər təklif olunub. Lakın təklif olunan iş Gündüz Təhməzovun sağlamlıq durumuna uyğun olmadığı üçün başqa işlə təmin olunmasını xahiş edib və bununla bağlı da tədbirlər görülür.
Laçın şəhərinə köçürülən sakinlərin işlə təmin olunması üçün bütün lazımı tədbirlər görülür.
Poliqon.info
Digərxəbərlər
Populyar xəbərlər
