Konqresmen Donalds: Trampın xarici siyasəti müharibə deyil, sülh kursu olacaq...
Noyabrda ABŞ-da keçiriləcək prezident seçkilərində qalib gəlsə, Donald Trampın xarici siyasəti müharibəyə deyil, sülhə yönələcək.
Poliqon “RİA Novosti” Agentliyinə istinadən xəbər verir ki, bunu respublikaçı konqresmen Bayron Donalds deyib.
“Bu seçki Amerikanın həyat tərzi ilə bağlıdır. Bu seçki güclü xarici siyasəti formalaşdıracaq seçki olacaq. Amrika bir millət olaraq sonsuz müharibələr haqqında deyil, gücün gətirəcəyi sülh haqqında düşünməlidir”, deyə Konqresmen partiyasının xarici siyasətini şərh edib.
Konqresmen qeyd edib ki, seçki yarışı sona çatmayıb və “Amerikan arzusu” üçün mübarizə davam edir.
Donalds həmçinin qeyd edib ki, ABŞ-ın hazırkı prezidenti Co Bayden iqtisadiyyat, sərhəd məsələlərində dəhşətli iş görür və beynəlxalq siyasəti qarışıqdır.
Poliqon.info