Kim Çen In Şoyquya Şimali Koreyanın döyüş dronlarını göstərib...

Poliqon xəbər verir ki, bu barədə “RİA Novosti” Agentliyi məlumat yayıb. Agentlik qeyd edib ki, Kim rusiyalı qonağına Şimali Koreya tərəfindən hazırlanan ən son dronları göstərib.

Xəbərdə qeyd edilir ki, KXDR rəhbəri və Rusiyanın müdafiə naziri iyulun 26-da Rusiya nümayəndə heyətinin üzvləri ilə birlikdə Pxenyanda silah sərgisində iştirak ediblər. Dərc olunmuş görüntülərdə ölkənin ən son silahlarının, o cümlədən qitələrarası ballistik raketlərin, onların mobil qurğularının, avadanlıqlarının, tanklarının və pilotsuz uçuş aparatlarının nümunələri əks olunub. Şəkillərə inanarsaq KXDR nəinki pilotsuz təyyarələr hazırlayıb, həm də onları havada sınaqdan keçirib.

Pilotsuz təyyarələrdən biri Amerikanın RQ-4 Global Hawk kəşfiyyat pilotsuz təyyarəsinin analoquna, digəri isə General Atomics şirkətinin ABŞ-ın MQ-9 Reaper hücum və kəşfiyyat PUA-sına bənzəyir.

Həmçinin qeyd edilir ki, dronlar zahirən o qədər oxşardırlar ki, onlar eyni vaxtda havaya buraxıldıqda onları ayırd etmək hətta mütəxəssis üçün çətin olacaq. Ehtimal olunur ki, texnologiya Cənubi Koreya və “kollektiv Qərb” ölkələrinə haker hücumları nəticəsində əldə edilib.

Qeyd edək ki, Rusiyanın müdafiə nazirinin başçılıq etdiyi hərbi nümayəndə heyəti Koreya Müharibəsində hərbi əməliyyatların başa çatmasının 70-ci ildönümünə həsr olunmuş bayram tədbirlərində iştirak etmək üçün çərşənbə axşamı Şimali Koreyaya gəlib. İşgüzar səfər iyulun 27-dək davam edəcək.

Poliqon.info