Çeçenistan prezidenti Ramzan Kadırovu tənqid edən bloggeri öldüməyə çalışan cinayətkar İsveçdə həbs edilib.
Yeniavaz.com “Lenta.ru”ya istinadla xəbər verir ki, şübhəli Ruslan Mamayev İsveçdə 10 il, ortağı Elmira Şapiyayeva 8 il azadlıqdan məhrum edilib. Həmin şəxslər rusiyalı bloger Tumso Abdurahmanova qarşı sui-qəsd təşkil etməkdə təqsirləndirilirlər. Aparılan istintaq zamanı məlum olub ki, blogerə Çeçenistan lideri Ramzan Kadırovu həmçinin, atası və keçmiş prezident Əhməd Kadırovu tənqid etdiyi üçün sui-qəsd təşkil edilib. Məhkəmə zamanı prokuror Per Lindqvist "istintaqın bütün izləri Qroznıya işarə edir" dedi. Cinayətkarların sui-qəsdə hazırlaşdıqları, Moskvada və Qroznıda görüşlər apardıqları da müəyyən edilib. Blogerin qətlinə görə cinayətkarlara 60 min avro təklif edildiyi də məlum olub.
Qeyd edək ki, bloger Tumso Abdurahmanova hücum 2020-ci ilin fevralında ortaya çıxdı. Cinayətkarın özünü polis məmuru kimi təqdim edərək və blogerin yaşadığı mənzilə girdiyi məlum olub. O, daha sonra Abdurahmanovu çəkiclə öldürməyə cəhd edib. Zərərçəkən təcili xəstəxanaya yerləşdirilib.
pia.az