İsrail ordusu Rusiyaya əvvəlcədən xəbərdarlıq etmədən Suriyaya zərbələr endirməyə başlayıb...
Poliqon xəbər verir ki, bu barədə Bloomberg Agentliyi mənbələrə istinadən məlumat yayıb. Agentliyin həmsöhbətləri qeyd edirlər ki, bu, iki ölkə arasında onsuz da çətin olan münasibətləri pisləşdirir.
Bloomberg yazır ki, HƏMAS-la müharibə başlayandan bəri İsrail Suriyaya hücumlarını artırıb. Oktyabrın 25-də İsrail hərbçiləri ölkənin cənubundakı hərbi bazada yerləşən silah anbarına zərbələr endirib. Nəşr qeyd edir ki, Rusiya hərbi polisi bazanın yaxınlığında məskunlaşıb, lakin onların zərbə günü ərazidə olub-olmadığı məlum deyil.
Rusiya Suriyaya ordu yeritdiyi 2015-ci ildən İsrail Rusiyaya hücumları barədə əvvəlcədən xəbərdarlıq edib. Bu, iki ölkənin hərbçilərinə bir-biri ilə birbaşa qarşıdurmadan qaçmağa imkan verirdi. Lakin oktyabrın 25-də, eləcə də oktyabrın 30-da Dəra əyalətindəki hərbi bazaya hücumla bağlı Moskvaya xəbərdarlıq edilməyib.
Bloomberg qeyd edir ki, İsrailin Rusiyaya gözlənilən zərbələr barədə xəbərdarlıq etməyi dayandırmasının səbəbi Ukraynada müharibə başlayandan sonra Moskvanın İranla yaxınlaşmasıdır. Oktyabrda Fələstin-İsrail münaqişəsinin gərginləşməsi Moskva ilə Qüds arasında münasibətləri daha da müşkülləşdirib.
Poliqon.info
Digərxəbərlər
Populyar xəbərlər
