Dekabrın 5-nə keçən gecə İsrail Müdafiə Qüvvələrinin bölmələri İordan çayının qərb sahilindəki Cenin şəhərinə hücuma başlayıb...
Poliqon xəbər verir ki, bu barədə Fələstinin WAFA Agentliyi məlumat yayıb. Agentlik öz müxbirinə istinadən iddia edir ki, İDF Cenin şəhərinə 50-yə yaxın hərbi maşın və dörd buldozer yerləşdirib.
Agentlik mənbələrinin məlumatına görə, şəhərin üzərində pilotsuz təyyarələr uçuşlar həyata keçirib və İsrail snayperləri bir neçə evin damında mövqe tutublar. Bundan sonra buldozerlər Cenin şəhərinin infrastrukturunu dağıtmağa başlayıb. Nəticədə şəhərin bəzi məhəllələrində elektrik enerjisi kəsilib.
Məlumatda qeyd edilir ki, Cenin şəhərinin mərkəzində İsrail əsgərləri ilə fələstinlilər arasında qarşıdurma baş verib.
Poliqon.info