İsrail ordusu Fələstinin Cenin bölgəsində əməliyyatı başa çatdırıb...

Poliqon xəbər verir ki, bu barədə İsrail ordusunun sözçüsü bildirib. Sözçü qeyd edib ki, əməliyyatda 12 fələstinli və bir İsrail əsgəri həlak olub.

“Əməliyyat rəsmi olaraq başa çatıb və əsgərlər Cenin bölgəsini tərk ediblər”, deyə İsrail ordusunun rəsmisi bildirib.

The Jerusalem Post yazır ki, İsrailin əməliyyatı zamanı 120 nəfər yaralanıb. Qəzet Fələstin mənbələrinə istinadən xəbər verir ki, ölənlərin demək olar ki, hamısı,12 nəfər yaraqlı kimi tanınıb.

The Jerusalem Postun məlumatına görə, İsrailin geri çəkilməsindən az sonra onlarla fələstinli Fələstin təhlükəsizlik qüvvələrinin Cenindəki yerli qərargahına daş atıb. Etirazçılar Fələstin hakimiyyətini “İsrail əməliyyatı zamanı gizlənməkdə” və “fələstinliləri təcavüzdən qoruya bilməməkdə” ttiham ediblər.

The Jerusalem Post yazır ki Fələstin hakimiyyəti həm Cenində, həm də İordan çayının qərb sahilinin bir çox başqa şəhərlərində baş verənlərə faktiki olaraq nəzarət etməyi dayandırıb. Qeyd edilir ki, İsrail Fələstin rəhbərliyinin baş verənlərə görə məsuliyyəti öz üzərinə götürəcəyinə ümid edərək, Cenin əməliyyatını tam iki il təxirə salıb.

Xatırladaq ki, iyulun 3-nə keçən gecə İsrail təhlükəsizlik qüvvələri Cenində 2002-ci ildən bəri ən böyük əks-terror əməliyyatına başlayıb. Əməliyyat "Ön bağçalı ev" adlanırdı. İsrail Xarici İşlər Nazirliyi bildirib ki, baş verənlər “Fələstinlilərlə münaqişə” deyil, “İran marionetləri” ilə mübarizədir. Döyüşlərə ordunun həm aviasiya, həm də quru qoşunları, sərhəd polisi və Baş Təhlükəsizlik Xidməti cəlb edilib.

Poliqon.info