İsrailin Diaspor İşləri və Antisemitizm Nazirliyi yəhudi dövlətinin Qəzza zolağındakı hərəkətlərinə dəstəyi artırmaq məqsədilə sosial şəbəkələrdə ABŞ qanunvericilərinə təzyiq göstərmək üçün gizli əməliyyat keçirib...
Poliqon xəbər verir ki, bu barədə "The New York Times" yazır.
Mətnə görə, nazirlik İsrail tərəfdarı olan nəşrlər vasitəsilə millət vəkillərini və ictimaiyyəti hədəf alan təsir kampaniyası təşkil edib və bunun əvəzini ödəyib. Rəsmi məlumatlara və sənədlərə görə, Təl-Əvivdə Stoic siyasi marketinq firması tərəfindən həyata keçirilən əməliyyata 2 milyon dollara yaxın vəsait ayrılıb.
NYT yazır ki, kampaniya oktyabrda başlayıb və hələ də sosial şəbəkələrdə aktivdir. Saxta hesablar İsraili dəstəkləyən şərhlər yazaraq, real istifadəçiləri təqlid edir.
Mesajların ABŞ qanunvericilərinə, xüsusən də Nümayəndələr Palatasında azlıqların lideri Hakim Ceffries və Corciyadan olan senator Rapfael Varnok kimi qaradərililərə və Demokratlara yönəldiyi və İDF-nin davamlı maliyyələşdirilməsinə çağıran bəyanatlarla ifadə edilir.
NYT yazır: "Sosial media ekspertlərinin fikrincə, əməliyyat İsrail hökumətinin ABŞ hökumətinə qarşı təsir kampaniyası qurması ilə bağlı ilk sənədləşdirilmiş hadisədir".
Bundan əvvəl İsrail hökumətinin başçısı Benyamin Netanyahu bildirib ki, İsrail xarici təzyiqlər nəticəsində tam təcrid vəziyyətinə düşsə belə, özünü müdafiə etməyə hazırdır.
Poliqon.info
Digərxəbərlər
Populyar xəbərlər
