İspaniyanın baş nazirinin müavini koronavirus şübhəsi ilə xəstəxanaya qaldırılıb

Musavat.com xarici agentliklərə istinadən xəbər verir ki, bu barədə hökumətin mətbuat katibliyi tərəfindən məlumat yayılıb.

Baş nazir müavininin dünən axşam Madriddəki klinikalardan birinə gətirildiyi və onun dərhal infeksiya xəstəlikləri bölməsinə aparıldığı qeyd olunur.
Karmen Kalvodan həmçinin koronavirusla bağlı analiz də götürülüb. Təhlillərin nəticələri hələ ki, məlum deyil.

Qeyd etmək lazımdır ki, bundan öncə İspaniya hökumətinin iki üzvündə, Ərazi siyasəti üzrə nazir Karolina Dias və Bərabərlik hüquqları üzrə nazir, habelə baş nazirin müavini Pablo İqlesiasın xanımı İren Monteroda koronavirus aşkar edilmişdi. Bundan başqa Kataloniya əyalət hökumətinin sədri Kim Torra və Madrid hökumətinin sədri İsabel Dias Ayusonun da infeksiyaya yoluxduğu məlum olub.

Koronavirus baş nazir Pedro Sançesin xanımı Beqonya Qomesdə də ortaya çıxıb. İspaniya mətbuatı baş nazirin anası və qaynanasının da virusa yoluxduğunu xəbər edib. Onların hamısı hazırda xəstəxanada müalicə alırlar.

Hazırda İspaniya yoluxanların sayına görə Avropada İtaliyadan sonra 2-ci yeri tutur. Bu günə olan məlumata görə ölkədə 33089 koronaviruslu xəstə var.

pia.az