İran İslam İnqilabı Keşikçiləri Korpusunun (SEPAH) müşaviri Seyid Razi Musəvinin Suriyada öldürülməsi terror aktıdır. İran İsrailin hərəkətlərini terror aktı kimi qiymətləndirir...
Poliqon xəbər verir ki, bunu İran Xarici İşlər Nazirliyinin rəsmi nümayəndəsi Nasir Kənani deyib.
Nazir Kənani İsrailin hərəkətlərini "qorxaqlıq" adlandırıb və qeyd edib ki, İran İslam Respublikası bu hərəkətə cavab üçün lazımi vaxt və məkanda lazımi tədbirlər görmək hüququnu özündə saxlayır.
İranın "Tasnim" dövlət agentliyinin bazar ertəsi verdiyi məlumata görə, İsrailin Suriyanın Dəməşq şəhəri yaxınlığındakı raket hücumu nəticəsində İran İnqilab Keşikçiləri Korpusunun müşaviri həlak olub. İranın Dəməşqdəki səfiri Hüseyn Əkbəri İsrailin müşavirin yaşadığı evə 3 raket atmasına aydınlıq gətirib. İslam İnqilabı Keşikçiləri Korpusu Seyid Razi Musəvinin ölümünü təsdiqləyib.
Poliqon.info