General Tsitelaşvili ABŞ və Aİ-ni Rusiyaya qarşı ikinci cəbhə açmağa çalışmaqda ittiham edib...
Poliqon xəbər verir ki, Gürcüstanın briqada generalı Tristan Tsitelaşvili Rusiyanın “İzvestiya” qəzetinə müsahibəsində Qərb ölkələrini Gürcüstanın bütövlüyünü qorumaq bəhanəsi ilə Rusiyaya qarşı ikinci cəbhə açmağa çalışmaqda ittiham edib.
“Onlar Gürcüstan ərazisindən Rusiyaya qarşı növbəti hərbi əməliyyata başlamaq istəyirlər. Amma indi gürcü xalqı və hakimiyyəti Abxaziya və Cənubi Osetiyada münaqişənin baş verməməsi üçün hər şeyi edir”, deyə Tsitelaşvili bildirib.
Gürcü generalın sözlərinə görə, ABŞ və Avropa İttifaqı ölkələrinin səfirliyinin planlarının baş tutmaması üçün Gürcüstanda bütün cəmiyyət, hakimiyyət orqanları ilə birlikdə səfərbər edilib.
Generalın sözlərinə görə, hazırda Vaşinqton ikinci cəbhə açmaq üçün Gürcüstandakı bütün agentlərini aktivləşdirib.
“Llakin onlar bunu Gürcüstanın bütövlüyünü qorumaq üçün deyil, yməhz Rusiyanı zəiflətmək üçün edir”, deyə Tsitelaşvili vurğulayıb.
Poliqon.info