Gəncədə yaşayış binasında yanğın söndürülüb...
"Report"un Qərb bürosunun məlumatına görə, Heydər Əliyev prospekti bina 3 ünvanında yerləşən, 3 mərtəbəli binanın dam örtüyündə baş vermiş yanğın Fövqəladə Hallar Nazirliyinin Gəncə şəhər Yanğından Mühafizə İdarəsinin yanğınsöndürənləri tərəfindən söndürülüb.
Binanın dam örtüyünün 300 kvadratmetr sahəsi yanıb, 50 nəfər bina sakini təxliyə olunub.
Hadisə zamanı həyəcanlanan və özlərini pis hiss edən bir neçə sakinə tibbi yardım göstərilib. Yanğın zamanı 1971-ci il təvəllüdlü A.Tanrıverdiyev isə əlindən yüngül xəsarət alıb.
Hadisənin başvermə səbəbi araşdırılır.
***
APA-nın yerli bürosunun məlumatına görə, yanğın Heydər Əliyev Prospektində yerləşən 3 mərtəbəli yaşayış binasında qeydə alınıb.
Belə ki, sözügedən binada anidən yanğın başlayıb.
Əraziyə dərhal FHN-nin 10-yaxın yanğınsöndürən avtomobili və 50-dən çox canlı qüvvəsi, həmçinin təcili tibbi yardım əməkdaşları cəlb olunub.
Hazırda binanın dam örtüyünün söndürülməsi istiqamətində işlər davam etdirilir, yanğının yaxınlıqdakı evlərə keçməsinin qarşısı alınır.
Yanğın nəticəsində binanın dam örtüyü tamamilə yararsız vəziyətə düşüb.
Bina sakinləri təxliyə edilir.
Poliqon.info